Oliy ta'limda inklyuziv ta'limni tashkil etish asoslari

Kursning maqsadi:

oliy ta’lim tizimida faoliyat ko‘rsatayotgan pedagog kadrlarning inklyuziv ta’lim yo‘nalishini zamonaviy talablar darajasida rivojlantirish, inklyuziv ta’limning normativ-huquqiy hujjatlari mazmun-mohiyatini ochib berish, alohida ta’lim ehtiyojlari bo‘lgan bolalarga ta’lim-tarbiya berish tizimini yo‘lga qo‘yish, inklyuziv ta’limda o‘qitish, ta’lim jarayonida turfalikni rejalashtirish, inklyuziv ta’lim jarayonida qo‘llanuvchi metodlardan samarali foydalanish, inklyuziv sinf o‘quvchilari bilimlarini davriy baholash bo‘yicha yangi bilim, ko‘nikma va malakalarni shakllantirish hamda malakaviy salohiyatini kuchaytirishga qaratilgan.

Kursning vazifalari:

• inklyuziv ta’limning normativ-huquqiy hujjatlarini mazmun mohiyatini nazariy va amaliy jihatdan o‘zlashtirish;
• o‘quv jarayonini tashkil etadigan meyoriy-huquqiy hujjatlar ishlab chiqish bo‘yicha ko‘nikmalarni shakllantirish;

• jismoniy yoki ruhiy rivojlanishda nuqsoni bo‘lgan bolalarning nogironlik xususiyatlaridan kelib chiqib, ularning ta’lim olishida turli xil yondashish;
• inklyuziv sinflarda qo‘llaniluvchi darslarni rejalashtirish, darslarning texnologik xaritalarini tuzish, xaritada alohida e'tiborga muhtoj bolalar faoliyatini tashkil etuvchi alohida maxsus yondashuvlarning aks ettirish bo‘yicha ko‘nikmalarni shakllantirish;